[348] |348.39| Himavantassavidūre chāpalo nāma pabbato buddho sudassano nāma vihāsi pabbatantare. |348.40| Pupphaṃ hemavaṇṇaṃ gayha gacchaṃ vehāyasenahaṃ addasaṃ virajaṃ buddhaṃ oghatiṇṇamanāsavaṃ. |348.41| Sattacampakapupphāni sīse katvānahaṃ tadā buddhassa abhiropesiṃ sayambhussa mahesino. |348.42| Ekattiṃse ito kappe yaṃ pupphamabhipūjayiṃ duggatiṃ nābhijānāmi buddhapūjāyidaṃ phalaṃ. |348.43| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā campakapupphiyo thero imā gāthāyo abhāsitthāti. Campakapupphiyattherassa apadānaṃ samattaṃ.