[358] |358.22| Sataraṃsī nāma sambuddho sayambhū aparājito vuṭṭhahitvā samādhimhā bhikkhāya mamupāgami. |358.23| Paccekabuddhaṃ disvāna ambayāguṃ adāpayiṃ vippasannamanantassa vippasannena cetasā. |358.24| Catunavute ito kappe yaṃ kammamakariṃ tadā duggatiṃ nābhijānāmi ambayāguyidaṃ phalaṃ. |358.25| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā ambayāgudāyako thero imā gāthāyo abhāsitthāti. Ambayāgudāyakattherassa apadānaṃ samattaṃ.