[365] |365.8| Phusso nāmāsi sambuddho sabbadhammāna pāragū vivekakāmo sappañño āgacchi mama santike. |365.9| Tasmiṃ cittaṃ pasādetvā mahākāruṇike jine bhisamuḷālaṃ paggayha buddhaseṭṭhassadāsahaṃ. |365.10| Dvenavute ito kappe yaṃ bhisaṃ adadiṃ tadā duggatiṃ nābhijānāmi bhisadānassidaṃ phalaṃ. |365.11| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā bhisamuḷāladāyako thero imā gāthāyo abhāsitthāti. Bhisamuḷāladāyakattherassa apadānaṃ samattaṃ.