[366] |366.12| Vijjādharo tadā āsiṃ himavantamhi pabbate addasaṃ virajaṃ buddhaṃ caṅkamantaṃ mahāyasaṃ. |366.13| Tīṇi kesarapupphāni sīse katvānahaṃ tadā upasaṅkamma sambuddhaṃ vessabhuṃ abhipūjayiṃ. |366.14| Ekattiṃse ito kappe yaṃ kammamakariṃ tadā duggatiṃ nābhijānāmi buddhapūjāyidaṃ phalaṃ. |366.15| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā kesarapupphiyo thero imā gāthāyo abhāsitthāti. Kesarapupphiyattherassa apadānaṃ samattaṃ.