[367] |367.16| Padumo nāma sambuddho cittakūṭe vasī tadā disvāna tamahaṃ buddhaṃ sayambhuṃ upagañchahaṃ . |367.17| Aṅkolaṃ pupphitaṃ disvā ocinitvānahaṃ tadā upagantvāna sambuddhaṃ pūjesiṃ padumaṃ jinaṃ. |367.18| Ekattiṃse ito kappe yaṃ kammamakariṃ tadā duggatiṃ nābhijānāmi buddhapūjāyidaṃ phalaṃ. Itthaṃ sudaṃ āyasmā aṅkolapupphiyo thero imā gāthāyo abhāsitthāti. Aṅkolapupphiyattherassa apadānaṃ samattaṃ.