[379] |379.38| Parinibbute bhagavati jalajuttamanāmake āropitamhi citake sālapupphaṃ apūjayiṃ. |379.39| Satasahasse ito kappe yaṃ pupphaṃ apūjayiṃ duggatiṃ nābhijānāmi citapūjāyidaṃ phalaṃ. |379.40| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. Itthaṃ sudaṃ āyasmā citakapūjako thero imā gāthāyo abhāsitthāti. Citakapūjakattherassa apadānaṃ samattaṃ.