[118] |118.48| Ahaṃ pure bodhipattaṃ ujjhitaṃ cetiyaṅgaṇe taṃ gahetvāna chaḍḍesiṃ alabhiṃ vīsatiṃ guṇe. |118.49| Tassa kammassa tejena saṃsaranto bhavābhave duve bhave saṃsarāmi devatte cāpi mānuse. |118.50| Devalokā cavitvāna āgantvā mānusaṃ bhavaṃ duve kule pajāyāmi khattiye cāpi brāhmaṇe. |118.51| Aṅgapaccaṅgasampanno ārohapariṇāhavā abhirūpo suci homi sampuṇṇako anūnako. Itthaṃ sudaṃ āyasmā bodhisammajjako thero imā gāthāyo abhāsitthāti. Bodhisammajjakattherassa apadānaṃ samattaṃ.