[120] |120.81| Imamhi bhaddake kappe brahmabandhu mahāyaso kassapo nāma nāmena uppajji vadataṃ varo. |120.82| Anubyañjanasampanno dvattiṃsavaralakkhaṇo byāmappabhāparivuto raṃsijālasamutthato. |120.83| Assāsetā yathā cando suriyo viya pabhaṅkaro nibbāpetā yathā megho sāgarova guṇākaro. |120.84| Dharaṇīriva sīlena himavāva samādhinā ākāso viya paññāya asaṅgo anilo yathā. |120.85| Anūno yathāvihāro parisāsu visārado saccāni sampakāseti uddharanto mahājanaṃ. |120.86| Tadāhaṃ bārāṇasiyaṃ seṭṭhiputto mahāyaso āsabhaṃ dhanadhaññassa pahutassa bahū mamaṃ . |120.87| Jaṅghavihāraṃ vicaraṃ migadāyaṃ upeccahaṃ addasaṃ nāthasatthāraṃ desentaṃ amataṃ padaṃ. Itthaṃ sudaṃ āyasmā sugandho thero imā gāthāyo abhāsitthāti. Sugandhattherassa apadānaṃ samattaṃ. Uddānaṃ tiṇado veccado ceva saraṇabbhañjanampado supaṭo daṇḍadāyī ca nelapūjī tatheva ca. Bodhisammajjakomaṇḍo sugandho dasamo dijo gāthāsataṃ satevīsaṃ gaṇitaṃ cettha sabbaso. Tiṇadāyakavaggo tepaññāso. ---------------------