[140] |140.272| Imamhi bhaddake kappe brahmabandhu mahāyaso kassapo nāma nāmena uppajji vadataṃ varo. |140.273| Anubyañjanasampanno battiṃsavaralakkhaṇo byāmappabhāparivuto raṃsijālasamogato . |140.274| Assāsetā yathā cando suriyova pabhaṅkaro nibbāpetā yathā megho sāgarova guṇākaro. |140.275| Dharaṇīriva sīlena himavāva samādhinā ākāso viya paññāya asaṅgo anilo yathā. Tatheva gandhe itare ca sabbaso pasayha vāyāmi gato yahiṃ tahiṃ. |140.306| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |140.307| Svāgataṃ vata me āsi buddhaseṭṭhassa santike tisso vijjā anuppattā kataṃ buddhassa sāsanaṃ. |140.308| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā cūḷasugandho thero imā gāthāyo abhāsitthāti. Cūḷasugandhattherassa apadānaṃ samattaṃ. Uddānaṃ bhaddiyo revato thero mahālābhī ca sīvalī vaṅgīso nandako ceva kāḷudāyī tathābhayo. Lomaso vanavaccho ca sugandho dasamo kato tīṇi gāthāsatā tattha soḷasā ca taduttari. Bhaddiyavaggo pañcapaññāso. Atha vagguddānaṃ kaṇikāravhayo vaggo phalado tiṇadāyako kaccāno bhaddiyo vaggo gāthāyo gaṇitā vasā . Nava gāthāsatāni ca caturāsītimeva ca chapaññāsaṃ pañcasatā apadānā pakāsitā. Saha uddānagāthāhi cha sahassāni hontimā dve satāni ca gāthānaṃ aṭṭhārasa taduttari. Ettāvatā buddhāpadānañca paccekabuddhāpadānañca therāpadānañca samattāni. ------------------