[15] |15.68| Vanakammiko pure āsiṃ pitupetāmahenahaṃ pasumārena jīvāmi kusalaṃ me na vijjati. |15.69| Mama āsayasāmantā tisso lokagganāyako padāni tīṇi dassesi anukampāya cakkhumā. |15.70| Akkante ca pade disvā tissanāmassa satthuno haṭṭho haṭṭhena cittena pade cittaṃ pasādayiṃ. Itthaṃ sudaṃ āyasmā koraṇḍapupphiyo thero imā gāthāyo abhāsitthāti. Koraṇḍapupphiyattherassa apadānaṃ samattaṃ.