[177] |177.169| Imamhi bhaddake kappe brahmabandhu mahāyaso kassapo nāma nāmena uppajji vadataṃ varo. |177.170| Tadāhaṃ pabbajitvāna tassa buddhassa sāsane saṃvutā pāṭimokkhamhi indriyesu ca pañcasu. |177.171| Mattaññū nīcaāsane yuttā jāgariyepica vasantī yuttayogāhaṃ bhikkhuniṃ vigatāsavaṃ. |177.172| Akkosiṃ duṭṭhacittāhaṃ gaṇiketi sakiṃ tadā teneva pāpakammena nirayamhi apaccisaṃ. Itthaṃ sudaṃ aḍḍhakāsikā bhikkhunī imā gāthāyo abhāsitthāti. Aḍḍhakāsītheriyā apadānaṃ samattaṃ.