[8] |8.1| Sobhitassa aparena sambuddho dipaduttamo anomadassī amitayaso tejasī duratikkamo. |8.2| So chetvā bandhanaṃ sabbaṃ viddhaṃsetvā tayo bhave anivattigamanaṃ maggaṃ desesi devamānuse. |8.3| Sāgarova asaṅkhobbho pabbatova durāsado ākāsova ananto so sālarājāva phullito. |8.4| Dassanenapi taṃ buddhaṃ tositā honti pāṇino byāharantaṃ giraṃ sutvā amataṃ pāpuṇanti te. Anomadassibuddhavaṃso sattamo.