[10] |10.1| Padumassa aparena sambuddho dipaduttamo nārado nāma nāmena asamo appaṭipuggalo. |10.2| So buddho cakkavattissa jeṭṭho dayitaoraso āmuttamaṇyābharaṇo uyyānaṃ upasaṅkami. |10.3| Tatthāsi rukkho vipulo abhirūpo brahā suci tamajjhapatvā nisīdi mahāsoṇassa heṭṭhato. |10.4| Tattha ñāṇavaruppajji anantaṃ vajirūpamaṃ tena vicini saṅkhāre ukkujjamavakujjataṃ . |10.5| Tattha sabbakilesāni asesamabhivāhayi pāpuṇi kevalaṃ bodhiṃ buddhañāṇe ca cuddasa. Aparimeyye ito kappe buddho loke bhavissati. |10.16| Ahu kapilavhayā rammā nikkhamitvā tathāgato padhānaṃ padahitvāna katvā dukkarakārikaṃ. |10.17| Ajapālarukkhamūlasmiṃ nisīditvā tathāgato tattha pāyāsaṃ paggayha nerañjaramupehiti. |10.18| Nerañjarāya tīramhi pāyāsaṃ adi so jino paṭiyatta varamaggena bodhimūlamhi ehiti. |10.19| Tato padakkhiṇaṃ katvā bodhimaṇḍaṃ anuttaraṃ assattharukkhamūlamhi bujjhissati mahāyaso. |10.20| Imassa janikā mātā māyā nāma bhavissati pitā suddhodano nāma ayaṃ hessati gotamo. |10.21| Anāsavā vītarāgā santacittā samāhitā kolito upatisso ca aggā hessanti sāvakā ānando nāmupaṭṭhāko upaṭṭhissatimaṃ jinaṃ. |10.22| Khemā uppalavaṇṇā ca aggā hessanti sāvikā anāsavā vītarāgā santacittā samāhitā. |10.23| Bodhi tassa bhagavato assatthoti pavuccati citto ca hatthāḷavako aggā hessantupaṭṭhakā. |10.24| Nandamātā ca uttarā aggā hessantupaṭṭhikā āyu vassasataṃ tassa gotamassa yasassino. Dhammasetuṃ daḷhaṃ katvā nibbuto so narāsabho. |10.45| Sopi buddho asamasamo tepi khīṇāsavā atulatejā sabbaṃ samantarahitaṃ nanu rittā sabbasaṅkhārāti. |10.46| Nārado jinavusabho nibbuto sudassane pure tatheva thūpavaro catuyojanamuggatoti. Nāradabuddhavaṃso navamo.