[20] |20.1| Pussassa aparena sambuddho dipaduttamo vipassī nāma nāmena loke uppajji cakkhumā. |20.2| Avijjaṇḍaṃ padāletvā patto sambodhimuttamaṃ dhammacakkaṃ pavattetuṃ pakkāmi bandhumatīpuraṃ. |20.3| Dhammacakkaṃ pavattetvā ubho bodhesi nāyako gaṇanāya na vattabbo paṭhamābhisamayo ahu. |20.4| Punāparaṃ amitayaso tattha saccaṃ pakāsayi caturāsītisahassānaṃ dutiyābhisamayo ahu. Vipassibuddhavaṃso ekūnavīsatimo.