[49] |49.58| Nīharante sarīramhi vijjamānāsu bherisu pasannacitto sumano sattipupphaṃ apūjayiṃ. |49.59| Satasahasse ito kappe yaṃ pupphaṃ abhipūjayiṃ duggatiṃ nābhijānāmi dehapūjāyidaṃ phalaṃ. |49.60| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |49.61| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. Itthaṃ sudaṃ āyasmā sattipaṇṇiyo thero imā gāthāyo abhāsitthāti. Sattipaṇṇiyattherassa apadānaṃ samattaṃ.