[57] |57.32| Nagare bandhumatiyā ārāmiko ahaṃ tadā addasaṃ virajaṃ buddhaṃ gacchantaṃ anilañjase. |57.33| Labujaphalamādāya buddhaseṭṭhassadāsahaṃ ākāseva ṭhito santo paṭiggaṇhi mahāyaso. |57.34| Vittisañjanano mayhaṃ diṭṭhadhamme sukhāvaho phalaṃ buddhassa datvāna vippasannena cetasā. |57.35| Adhiggañchiṃ tadā pītiṃ vipulaṃ sukhamuttamaṃ uppajjate me ratanaṃ nibbattassa tahiṃ tahiṃ. Itthaṃ sudaṃ āyasmā labujaphaladāyako thero imā gāthāyo abhāsitthāti. Labujaphaladāyakattherassa apadānaṃ samattaṃ.