[58] |58.40| Vanantare buddhaṃ disvā atthadassiṃ mahāyasaṃ pasannacitto sumano milakkhussa phalaṃ adaṃ. |58.41| Aṭṭhārase kappasate yaṃ phalaṃ adadiṃ tadā duggatiṃ nābhijānāmi phaladānassidaṃ phalaṃ. |58.42| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |58.43| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. Itthaṃ sudaṃ āyasmā milakkhuphaladāyako thero imā gāthāyo abhāsitthāti. Milakkhuphaladāyakattherassa apadānaṃ samattaṃ.