[80] |80.191| Ajjhogahetvā sālavanaṃ sukato assamo mama sālapupphehi sañchanno vasāmi pavane tadā. |80.192| Piyadassī tu bhagavā sayambhū aggapuggalo vivekakāmo sambuddho sālavanamupāgami. |80.193| Assamā abhinikkhamma pavanaṃ agamāsahaṃ mūlaphalaṃ gavesanto āhiṇḍāmi vane tadā. Itthaṃ sudaṃ āyasmā sālamaṇḍapiyo thero imā gāthāyo abhāsitthāti. Sālamaṇḍapiyattherassa apadānaṃ samattaṃ. Uddānaṃ paṃsukūlaṃ buddhasaññī bhisado ñāṇakittako candanī dhātupūjī ca puḷinuppādakopica. Taraṇo dhammaruciko sālamaṇḍapiyo tathā gāthāsatāni dve honti ūnavīsatimeva ca. Paṃsukūlavaggo ekūnapaññāsamo. ----------------------