[153] |153.29| Nagare bandhumatiyā kumbhadāsī ahosahaṃ mama bhāgaṃ gahetvāna gacchaṃ udakahārike . |153.30| Panthamhi samaṇaṃ disvā santacittaṃ samāhitaṃ pasannacittā sumanā modake tīṇidāsahaṃ. |153.31| Tena kammena sukatena cetanāpaṇidhīhi ca ekūnatiṃsa kappāni vinipātaṃ na agañchahaṃ. |153.32| Sampattiñca karitvāna sabbaṃ anubhaviṃ ahaṃ modake tīṇi datvāna pattāhaṃ acalaṃ padaṃ. |153.33| Kilesā jhāpitā mayhaṃ bhavā sabbe samūhatā nāgīva bandhanaṃ chetvā viharāmi anāsavā. Itthaṃ sudaṃ āyasmā modakadāyikā bhikkhunī imā gāthāyo abhāsitthāti. Modakadāyikātheriyā apadānaṃ samattaṃ.