[6] |6.1| Sumanassa aparena revato nāma nāyako anupamo asadiso atulo uttamo jino. |6.2| Sopi dhammaṃ pakāsesi brahmunā abhiyācito khandhadhātuvavatthānaṃ appavattaṃ bhavābhave. |6.3| Tassābhisamayā tīṇi ahesuṃ dhammadesane gaṇanāya na vattabbo paṭhamābhisamayo ahu. |6.4| Yadā arindamaṃ rājaṃ vinesi revato muni tadā koṭisahassānaṃ dutiyābhisamayo ahu. |6.5| Sattāhaṃ paṭisallānā vuṭṭhahitvā narāsabho koṭisataṃ naramarūnaṃ vinesi uttame phale. Revatabuddhavaṃso pañcamo.