[12] |12.11| Punāparaṃ yadā homi bhūridatto mahiddhiko virūpakkhena mahāraññā devalokamagacchahaṃ. |12.12| Tattha passitvāhaṃ deve ekantaṃ sukhasamappite taṃ saggaṃ gamanatthāya sīlabbataṃ samādayiṃ. |12.13| Sarīrakiccaṃ katvāna bhutvā yāpanamattakaṃ caturo aṅge adhiṭṭhāya semi vammikamuddhani. |12.14| Chaviyā cammena maṃsena nhārūhi aṭṭhikehi vā yassa etena karaṇīyaṃ dinnaṃyeva harātu so. |12.15| Saṃsito akataññunā ālambāno mamaggahi peḷāya pakkhipitvāna kīḷeti maṃ tahiṃ tahiṃ. |12.16| Peḷāya pakkhipantepi maṃ maddantepi pāṇinā ālambāne na kuppāmi sīlakhaṇḍabhayā mama. Bhūridattacariyaṃ dutiyaṃ.