[30] |30.83| Punāparaṃ yadā homi maccharājā mahāsare uṇhe suriyasantāpe sare udakaṃ khīyatha. |30.84| Tato kākā ca gijjhā ca kaṅkā kulalasenakā bhakkhayanti divā rattiṃ macche upanisīdiya. |30.85| Evaṃ cintesahaṃ tattha saha ñātīhi pīḷito kena nu kho upāyena ñātī dukkhā pamocaye. |30.86| Cintayitvāna dhammatthaṃ saccaṃ addasaṃ passayaṃ sacce ṭhatvā pamocesiṃ ñātīnaṃ taṃ atikkhayaṃ. |30.87| Anussaritvā sataṃ dhammaṃ paramatthaṃ vicintayaṃ akāsiṃ saccakiriyaṃ yaṃ loke dhuvasassataṃ. |30.88| Yato sarāmi attānaṃ yato pattosmi viññutaṃ nābhijānāmi sañcicca ekapāṇaṃpi hiṃsitaṃ . Maccharājacariyaṃ dasamaṃ.