[37] |37.42| Padumuttarassa bhagavato sabbabhūtahitesino pasannacitto sumano sīhāsanamadāsahaṃ. |37.43| Devaloke manusse vā yattha yattha vasāmahaṃ labhāmi vipulaṃ byamhaṃ sīhāsanassidaṃ phalaṃ. |37.44| Suvaṇṇarūpiyamayā lohitaṅkamayā bahū maṇimayā ca pallaṅkā nibbattanti mamaṃ sadā. Itthaṃ sudaṃ āyasmā sīhāsaniko thero imā gāthāyo abhāsitthāti. Sīhāsanikattherassa apadānaṃ samattaṃ.