[79] |79.165| Yadā dīpaṅkaro buddho sumedhaṃ byākari jino aparimeyye ito kappe ayaṃ buddho bhavissati. |79.166| Imassa janikā mātā māyā nāma bhavissati pitā suddhodano nāma ayaṃ hessati gotamo. |79.167| Padhānaṃ padahitvāna katvā dukkarakārikaṃ assatthamūle sambuddho bujjhissati mahāyaso. |79.168| Upatisso kolito ca aggā hessanti sāvakā ānando nāmupaṭṭhāko upaṭṭhissatimaṃ jinaṃ. Itthaṃ sudaṃ āyasmā dhammaruci thero imā gāthāyo abhāsitthāti. Dhammarucittherassa apadānaṃ samattaṃ.