[434] Katame dhammā abyākatā yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vitakkavicārānaṃ vūpasamā .pe. dutiyaṃ jhānaṃ .pe. tatiyaṃ jhānaṃ .pe. catutthaṃ jhānaṃ .pe. paṭhamaṃ jhānaṃ .pe. pañcamaṃ jhānaṃ upasampajja viharati dukkhāpaṭipadaṃ dandhābhiññaṃ suññatanti kusalaṃ .pe. dukkhāpaṭipadaṃ dandhābhiññaṃ suññatanti vipāko .pe. Dukkhāpaṭipadaṃ dandhābhiññaṃ suññatanti kusalaṃ .pe. dukkhāpaṭipadaṃ dandhābhiññaṃ animittanti vipāko .pe. dukkhāpaṭipadaṃ dandhābhiññaṃ suññatanti kusalaṃ .pe. dukkhāpaṭipadaṃ dandhābhiññaṃ appaṇihitanti vipāko tasmiṃ samaye phasso hoti .pe. avikkhepo hoti .pe. Ime dhammā abyākatā.

[435] Katame dhammā abyākatā yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā Pattiyā vivicceva kāmehi .pe. paṭhamaṃ jhānaṃ upasampajja viharati dukkhāpaṭipadaṃ khippābhiññaṃ suññataṃ .pe. sukhāpaṭipadaṃ dandhābhiññaṃ suññataṃ .pe. sukhāpaṭipadaṃ khippābhiññaṃ suññataṃ .pe. dutiyaṃ jhānaṃ .pe. tatiyaṃ jhānaṃ .pe. catutthaṃ jhānaṃ .pe. paṭhamaṃ jhānaṃ .pe. pañcamaṃ jhānaṃ upasampajja viharati sukhāpaṭipadaṃ khippābhiññaṃ suññatanti kusalaṃ .pe. sukhāpaṭipadaṃ khippābhiññaṃ suññatanti vipāko .pe. sukhāpaṭipadaṃ khippābhiññaṃ suññatanti kusalaṃ .pe. sukhāpaṭipadaṃ khippābhiññaṃ animittanti vipāko .pe. Sukhāpaṭipadaṃ khippābhiññaṃ suññatanti kusalaṃ .pe. sukhāpaṭipadaṃ khippābhiññaṃ appaṇihitanti vipāko tasmiṃ samaye phasso hoti .pe. Avikkhepo hoti .pe. Ime dhammā abyākatā. Suññatapaṭipadā.

[436] Katame dhammā abyākatā yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi .pe. paṭhamaṃ jhānaṃ upasampajja viharati appaṇihitaṃ tasmiṃ samaye phasso hoti .pe. avikkhepo hoti .pe. ime dhammā kusalā tasseva lokuttarassa kusalassa jhānassa katattā bhāvitattā vipākaṃ vivicceva kāmehi .pe. Paṭhamaṃ jhānaṃ upasampajja viharati appaṇihitaṃ tasmiṃ samaye phasso hoti .pe. Avikkhepo hoti .pe. Ime dhammā abyākatā.