[450] Katame dhammā abyākatā yasmiṃ samaye lokuttaraṃ jhānaṃ Bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi .pe. paṭhamaṃ jhānaṃ upasampajja viharati dukkhāpaṭipadaṃ khippābhiññaṃ chandādhipateyyaṃ .pe. sukhāpaṭipadaṃ dandhābhiññaṃ chandādhipateyyaṃ .pe. sukhāpaṭipadaṃ khippābhiññaṃ chandādhipateyyaṃ .pe. dutiyaṃ jhānaṃ .pe. tatiyaṃ jhānaṃ .pe. Catutthaṃ jhānaṃ .pe. paṭhamaṃ jhānaṃ .pe. pañcamaṃ jhānaṃ upasampajja viharati sukhāpaṭipadaṃ khippābhiññaṃ chandādhipateyyanti kusalaṃ .pe. Sukhāpaṭipadaṃ khippābhiññaṃ suññataṃ chandādhipateyyanti vipāko .pe. Sukhāpaṭipadaṃ khippābhiññaṃ chandādhipateyyanti kusalaṃ .pe. sukhāpaṭipadaṃ khippābhiññaṃ animittaṃ chandādhipateyyanti vipāko .pe. sukhāpaṭipadaṃ khippābhiññaṃ chandādhipateyyanti kusalaṃ .pe. sukhāpaṭipadaṃ khippābhiññaṃ appaṇihitaṃ chandādhipateyyanti vipāko tasmiṃ samaye phasso hoti .pe. Avikkhepo hoti .pe. Ime dhammā abyākatā.

[451] Katame dhammā abyākatā yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi .pe. paṭhamaṃ jhānaṃ upasampajja viharati suññataṃ chandādhipateyyaṃ tasmiṃ samaye phasso hoti .pe. avikkhepo hoti .pe. ime dhammā kusalā tasseva lokuttarassa kusalassa jhānassa katattā bhāvitattā vipākaṃ vivicceva kāmehi .pe. Paṭhamaṃ jhānaṃ upasampajja viharati suññataṃ chandādhipateyyaṃ tasmiṃ Samaye phasso hoti .pe. avikkhepo hoti .pe. ime dhammā abyākatā.

[452] Katame dhammā abyākatā yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi .pe. paṭhamaṃ jhānaṃ upasampajja viharati suññataṃ chandādhipateyyaṃ tasmiṃ samaye phasso hoti .pe. avikkhepo hoti .pe. ime dhammā kusalā tasseva lokuttarassa kusalassa jhānassa katattā bhāvitattā vipākaṃ vivicceva kāmehi .pe. Paṭhamaṃ jhānaṃ upasampajja viharati animittaṃ chandādhipateyyaṃ tasmiṃ samaye phasso hoti .pe. avikkhepo hoti .pe. ime dhammā abyākatā.