[935] Katame dhammā nīvaraṇācevanīvaraṇasampayuttāca yattha dve tīṇi nīvaraṇāni ekato uppajjanti ime dhammā nīvaraṇāceva- nīvaraṇasampayuttāca . katame dhammā nīvaraṇasampayuttācevanocanīvaraṇā ṭhapetvā nīvaraṇe avasesaṃ akusalaṃ ime dhammā nīvaraṇasampayuttācevanoca nīvaraṇā . nīvaraṇavippayuttā dhammā na vattabbā nīvaraṇācevanīvaraṇasampayuttācātipi nīvaraṇasampayuttā- cevanocanīvaraṇātipi.

[936] Katame dhammā nīvaraṇavippayuttā nīvaraṇiyā tīsu bhūmīsu kusalaṃ tīsu bhūmīsu vipāko tīsu bhūmīsu kiriyābyākataṃ sabbañca rūpaṃ ime dhammā nīvaraṇavippayuttā nīvaraṇiyā . katame dhammā nīvaraṇavippayuttā anīvaraṇiyā cattāro maggā apariyāpannā cattāri ca sāmaññaphalāni nibbānañca ime dhammā nīvaraṇavippayuttā anīvaraṇiyā . nīvaraṇasampayuttā dhammā na vattabbā nīvaraṇavippayuttā nīvaraṇiyātipi nīvaraṇavippayuttā anīvaraṇiyātipi. ---------------