[95] Katamā tasmiṃ samaye ekā manoviññāṇadhātu hoti yaṃ tasmiṃ samaye cittaṃ mano mānasaṃ .pe. tajjā manoviññāṇadhātu ayaṃ tasmiṃ samaye ekā manoviññāṇadhātu hoti.

[96] Katamaṃ tasmiṃ samaye ekaṃ dhammāyatanaṃ hoti vedanākkhandho Saññākkhandho saṅkhārakkhandho idaṃ tasmiṃ samaye ekaṃ dhammāyatanaṃ hoti.

[97] Katamā tasmiṃ samaye ekā dhammadhātu hoti vedanākkhandho saññākkhandho saṅkhārakkhandho ayaṃ tasmiṃ samaye ekā dhammadhātu hoti.

[98] Ye vā pana tasmiṃ samaye aññepi atthi paṭiccasamuppannā arūpino dhammā ime dhammā kusalā. Koṭṭhāsavāraṃ.