[103] Katamā tasmiṃ samaye dhātuyo honti manoviññāṇadhātu dhammadhātu imā tasmiṃ samaye dhātuyo honti.

[104] Katame tasmiṃ samaye āhārā honti phassāhāro manosañcetanāhāro viññāṇāhāro ime tasmiṃ samaye āhārā honti.

[105] Katamāni tasmiṃ samaye indriyāni honti saddhindriyaṃ viriyindriyaṃ satindriyaṃ samādhindriyaṃ paññindriyaṃ manindriyaṃ somanassindriyaṃ jīvitindriyaṃ imāni tasmiṃ samaye indriyāni honti.

[106] Katamaṃ tasmiṃ samaye jhānaṃ hoti vitakko vicāro pīti sukhaṃ cittassekaggatā idaṃ tasmiṃ samaye jhānaṃ hoti.