[942] Tattha katamāni tīṇi aṅgaṇāni rāgo aṅgaṇaṃ doso aṅgaṇaṃ moho aṅgaṇaṃ imāni tīṇi aṅgaṇāni.

[943] Tattha katamāni tīṇi malāni rāgo malaṃ doso malaṃ moho malaṃ imāni tīṇi malāni.

[944] Tattha katamāni tīṇi visamāni rāgo visamaṃ doso visamaṃ moho visamaṃ imāni tīṇi visamāni.

[945] Tattha katamāni aparānipi tīṇi visamāni kāyavisamaṃ vacīvisamaṃ manovisamaṃ imāni tīṇi visamāni.