[976] Tattha katamāni pañcorambhāgiyāni saññojanāni sakkāyadiṭṭhi vicikicchā sīlabbataparāmāso kāmacchando byāpādo imāni pañcorambhāgiyāni saññojanāni.

[977] Tattha katamāni pañcuddhambhāgiyāni saññojanāni rūparāgo arūparāgo māno uddhaccaṃ avijjā imāni pañcuddhambhāgiyāni saññojanāni.

[978] Tattha katamāni pañca macchariyāni āvāsamacchariyaṃ kulamacchariyaṃ lābhamacchariyaṃ vaṇṇamacchariyaṃ dhammamacchariyaṃ imāni pañca macchariyāni.

[979] Tattha katame pañca saṅgā rāgasaṅgo dosasaṅgo mohasaṅgo mānasaṅgo diṭṭhisaṅgo ime pañca saṅgā.