[1470] Dhammaṭṭhitatā parinipphannāti . āmantā . tāya ṭhitatā parinipphannāti . na hevaṃ vattabbe .pe. tāya ṭhitatā parinipphannāti . āmantā . tāya tāyeva natthi dukkhassa antakiriyā natthi vaṭṭūpacchedo natthi anupādāparinibbānanti . Na hevaṃ vattabbe .pe.

[1471] Rūpassa ṭhitatā parinipphannāti . āmantā . tāya ṭhitatā parinipphannāti . na hevaṃ vattabbe .pe. tāya ṭhitatā parinipphannāti . āmantā . tāya tāyeva natthi dukkhassa antakiriyā natthi vaṭṭūpacchedo natthi anupādāparinibbānanti . Na hevaṃ vattabbe .pe. vedanāya ṭhitatā .pe. saññāya ṭhitatā .pe. saṅkhārānaṃ ṭhitatā .pe. viññāṇassa ṭhitatā parinipphannāti . āmantā . tāya ṭhitatā parinipphannāti . na hevaṃ vattabbe .pe. tāya ṭhitatā parinipphannāti . āmantā . Tā tāyeva natthi dukkhassa antakiriyā natthi vaṭṭūpacchedo natthi anupādāparinibbānanti. Na hevaṃ vattabbe .pe. Dhammaṭṭhitatākathā. -------------