[1701] Indriyabaddhaññeva dukkhanti. Āmantā. Indriyabaddhaññeva Baddhaññeva aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti . na hevaṃ vattabbe .pe. Nanu anindriyabaddhaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti . āmantā . hañci anindriyabaddhaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammaṃ no vata re vattabbe indriyabaddhaññeva dukkhanti.

[1702] Anindriyabaddhaṃ aniccaṃ saṅkhataṃ paṭiccasamuppannaṃ .pe. Vipariṇāmadhammaṃ tañca na dukkhanti . āmantā . indriyabaddhaṃ aniccaṃ saṅkhataṃ .pe. vipariṇāmadhammaṃ tañca na dukkhanti . na hevaṃ vattabbe .pe. indriyabaddhaṃ aniccaṃ saṅkhataṃ .pe. vipariṇāmadhammaṃ tañca dukkhanti . āmantā . anindriyabaddhaṃ aniccaṃ saṅkhataṃ .pe. Vipariṇāmadhammaṃ tañca dukkhanti. Na hevaṃ vattabbe .pe.

[1703] Indriyabaddhaññeva dukkhanti . āmantā . Nanu yadaniccaṃ taṃ dukkhaṃ vuttaṃ bhagavatā anindriyabaddhaṃ aniccanti . āmantā . Hañci yadaniccaṃ taṃ dukkhaṃ vuttaṃ bhagavatā anindriyabaddhaṃ aniccaṃ no vata re vattabbe indriyabaddhaññeva dukkhanti.

[1704] Na vattabbaṃ indriyabaddhaññeva dukkhanti . āmantā. Yathā indriyabaddhassa dukkhassa pariññāya bhagavati brahmacariyaṃ vussati evameva anindriyabaddhassa dukkhassa pariññāya bhagavati brahmacariyaṃ Vussatīti . na hevaṃ vattabbe .pe. yathā indriyabaddhaṃ dukkhaṃ pariññātaṃ na puna uppajjati evameva anindriyabaddhaṃ dukkhaṃ pariññātaṃ na puna uppajjatīti . na hevaṃ vattabbe .pe. tena hi indriyabaddhaññeva dukkhanti. Indriyabaddhakathā. -------------