[622] Dukkhāhāro maggaṅgaṃ maggapariyāpannanti . āmantā . Ye keci dukkhanti vācaṃ bhāsanti sabbe te maggaṃ bhāventīti . Na hevaṃ vattabbe .pe.

[623] Ye keci dukkhanti vācaṃ bhāsanti sabbe te maggaṃ bhāventīti . āmantā . bālaputhujjanā dukkhanti vācaṃ bhāsanti bālaputhujjanā maggaṃ bhāventīti . na hevaṃ vattabbe .pe. Mātughātako .pe. pitughātako arahantaghātako ruhiruppādako .pe. Saṅghabhedako dukkhanti vācaṃ bhāsati saṅghabhedako maggaṃ bhāvetīti. Na hevaṃ vattabbe .pe. Dukkhāhārakathā.