[1062] Na vattabbaṃ sammatiñāṇaṃ saccārammaṇaññeva na aññārammaṇanti . āmantā . nanu paṭhavīkasiṇaṃ samāpattiṃ samāpannassa atthi ñāṇaṃ paṭhavīkasiṇañca sammatisaccamhīti . Āmantā . hañci paṭhavīkasiṇaṃ samāpattiṃ samāpannassa atthi ñāṇaṃ paṭhavīkasiṇañca sammatisaccamhi tena vata re vattabbe sammatiñāṇaṃ saccārammaṇaññeva na aññārammaṇanti.

[1063] Na vattabbaṃ sammatiñāṇaṃ saccārammaṇaññeva na aññārammaṇanti . āmantā . nanu āpokasiṇaṃ .pe. tejokasiṇaṃ .pe. gilānapaccayabhesajjaparikkhāraṃ dadantassa atthi ñāṇaṃ gilānapaccayabhesajjaparikkhāro ca sammatisaccamhīti . āmantā . Hañci gilānapaccayabhesajjaparikkhāraṃ dadantassa atthi ñāṇaṃ gilānapaccayabhesajjaparikkhāro ca sammatisaccamhi tena vata re vattabbe sammatiñāṇaṃ saccārammaṇaññeva na aññārammaṇanti.

[1064] Sammatiñāṇaṃ saccārammaṇaññeva na aññārammaṇanti . Āmantā . tena ñāṇena dukkhaṃ parijānāti samudayaṃ pajahati nirodhaṃ sacchikaroti maggaṃ bhāvetīti. Na hevaṃ vattabbe .pe. Sammatiñāṇakathā. ----------