[656] Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabboti . āmantā . dukkhe diṭṭhe phale ṭhitoti vattabboti . na hevaṃ vattabbe .pe. samudayaṃ dakkhanto .pe. nirodhaṃ dakkhanto paṭipannakoti vattabboti . Āmantā . nirodhe diṭṭhe phale ṭhitoti vattabboti . na hevaṃ vattabbe .pe.

[657] Sotāpattiphalasacchikiriyāya paṭipanno puggalo maggaṃ dakkhanto paṭipannakoti vattabbo magge diṭṭhe phale ṭhitoti vattabboti . āmantā . dukkhaṃ dakkhanto paṭipannakoti vattabbo dukkhe diṭṭhe phale ṭhitoti vattabboti . na hevaṃ vattabbe Maggaṃ dakkhanto paṭipannakoti vattabbo magge diṭṭhe phale ṭhitoti vattabboti . āmantā . samudayaṃ dakkhanto .pe. Nirodhaṃ dakkhanto paṭipannakoti vattabbo nirodhe diṭṭhe phale ṭhitoti vattabboti. Na hevaṃ vattabbe .pe.

[658] Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo dukkhe diṭṭhe na vattabbaṃ phale ṭhitoti vattabboti . āmantā . maggaṃ dakkhanto paṭipannakoti vattabbo magge diṭṭhe na vattabbaṃ phale ṭhitoti vattabboti . Na hevaṃ vattabbe .pe. samudayaṃ dakkhanto .pe. nirodhaṃ dakkhanto paṭipannakoti vattabbo nirodhe diṭṭhe na vattabbaṃ phale ṭhitoti vattabboti . āmantā . maggaṃ dakkhanto paṭipannakoti vattabbo magge diṭṭhe na vattabbaṃ phale ṭhitoti vattabboti . na hevaṃ vattabbe .pe.

[659] Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo dukkhe diṭṭhe na vattabbaṃ phale ṭhitoti vattabboti . āmantā . niratthiyaṃ dukkhadassananti. Na hevaṃ vattabbe .pe. samudayaṃ dakkhanto .pe. nirodhaṃ dakkhanto paṭipannakoti vattabbo nirodhe diṭṭhe na vattabbaṃ phale ṭhitoti vattabboti āmantā. Niratthiyaṃ nirodhadassananti. Na hevaṃ vattabbe .pe.