[728] Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ na vattabbaṃ suññatārammaṇaṃ .pe. animittārammaṇaṃ .pe. Appaṇihitārammaṇanti . āmantā . satipaṭṭhānā ariyā na vattabbā Appaṇihitārammaṇāti. Na hevaṃ vattabbe .pe.

[729] Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ na vattabbaṃ suññatārammaṇaṃ .pe. animittārammaṇaṃ .pe. Appaṇihitārammaṇanti . āmantā . sammappadhānā .pe. bojjhaṅgā ariyā na vattabbā appaṇihitārammaṇāti. Na hevaṃ vattabbe .pe.

[730] Āsavānaṃ khaye yathābhūtaṃ ñāṇaṃ tathāgatabalaṃ ariyanti . Āmantā . ṭhānāṭhāne yathābhūtaṃ ñāṇaṃ tathāgatabalaṃ ariyanti . Na hevaṃ vattabbe .pe.

[731] Āsavānaṃ khaye yathābhūtaṃ ñāṇaṃ tathāgatabalaṃ ariyanti . Āmantā . sattānaṃ cutūpapāte yathābhūtaṃ ñāṇaṃ tathāgatabalaṃ ariyanti. Na hevaṃ vattabbe .pe.