[775] Aṭṭhamakassa puggalassa diṭṭhipariyuṭṭhānaṃ nuppajjissatīti katvā pahīnanti . āmantā . aṭṭhamakassa puggalassa vicikicchānusayo .pe. sīlabbataparāmāso nuppajjissatīti katvā pahīnoti . Na hevaṃ vattabbe .pe.

[776] Aṭṭhamakassa puggalassa vicikicchāpariyuṭṭhānaṃ nuppajjissatīti katvā pahīnanti . āmantā . aṭṭhamakassa puggalassa vicikicchānusayo .pe. sīlabbataparāmāso nuppajjissatīti katvā pahīnoti. Na hevaṃ vattabbe .pe.

[777] Aṭṭhamakassa puggalassa diṭṭhipariyuṭṭhānaṃ nuppajjissatīti Katvā pahīnanti . āmantā . gotrabhuno puggalassa diṭṭhipariyuṭṭhānaṃ nuppajjissatīti katvā pahīnanti. Na hevaṃ vattabbe .pe.

[778] Aṭṭhamakassa puggalassa vicikicchāpariyuṭṭhānaṃ nuppajjissatīti katvā pahīnanti . āmantā . gotrabhuno puggalassa vicikicchāpariyuṭṭhānaṃ nuppajjissatīti katvā pahīnanti . na hevaṃ vattabbe .pe. Aṭṭhamakakathā. ----------