[877] Saha upapattiyā sakadāgāmī na hotīti . āmantā . Hañci saha upapattiyā sakadāgāmī na hoti no vata re vattabbe saha upapattiyā arahāti.

[878] Saha upapattiyā anāgāmī na hotīti . āmantā . Hañci saha upapattiyā anāgāmī na hoti no vata re vattabbe saha upapattiyā arahāti.

[879] Saha upapattiyā arahāti . āmantā . sārīputto thero saha upapattiyā arahāti . na hevaṃ vattabbe .pe. Mahāmoggallāno thero .pe. mahākassapo thero .pe. Mahākaccāyano thero .pe. mahākoṭṭhiko thero .pe. mahāpaṇṭhako thero saha upapattiyā arahāti. Na hevaṃ vattabbe .pe.

[880] Sārīputto thero na saha upapattiyā arahāti . Āmantā . hañci sārīputto thero na saha upapattiyā arahā no vata re vattabbe saha upapattiyā arahāti.