[1489] Cakkhāyatanaṃ vipākoti . āmantā . sukhavedaniyaṃ dukkhavedaniyaṃ .pe. sārammaṇaṃ atthi tassa āvajjanā .pe. Paṇidhīti . na hevaṃ vattabbe .pe. nanu na sukhavedaniyaṃ .pe. Anārammaṇaṃ natthi tassa āvajjanā .pe. paṇidhīti . āmantā . Hañci na sukhavedaniyaṃ .pe. anārammaṇaṃ natthi tassa āvajjanā .pe. paṇidhi no vata re vattabbe cakkhāyatanaṃ vipākoti .pe. Phasso vipāko phasso sukhavedaniyo .pe. sārammaṇo atthi tassa āvajjanā .pe. paṇidhīti . āmantā . cakkhāyatanaṃ vipāko cakkhāyatanaṃ sukhavedaniyaṃ .pe. sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. cakkhāyatanaṃ vipāko cakkhāyatanaṃ na sukhavedaniyaṃ .pe. anārammaṇaṃ natthi tassa āvajjanā .pe. paṇidhīti . āmantā . phasso vipāko phasso na sukhavedaniyo .pe. anārammaṇo natthi tassa āvajjanā .pe. paṇidhīti . na hevaṃ vattabbe .pe. Sotāyatanaṃ .pe. Ghānāyatanaṃ .pe. Jivhāyatanaṃ .pe.

[1490] Kāyāyatanaṃ vipākoti . āmantā . Sukhavedaniyaṃ .pe. Sārammaṇaṃ atthi tassa āvajjanā .pe. paṇidhīti . na hevaṃ vattabbe .pe. nanu na sukhavedaniyaṃ .pe. anārammaṇaṃ natthi tassa āvajjanā .pe. paṇidhīti . āmantā . hañci na sukhavedaniyaṃ .pe. anārammaṇaṃ natthi tassa āvajjanā .pe. paṇidhi no vata re vattabbe kāyāyatanaṃ vipākoti .pe. phasso vipāko phasso sukhavedaniyo .pe. sārammaṇo atthi tassa āvajjanā .pe. paṇidhīti . āmantā . kāyāyatanaṃ vipāko kāyāyatanaṃ sukhavedaniyaṃ .pe. sārammaṇaṃ atthi tassa āvajjanā .pe. Paṇidhīti . na hevaṃ vattabbe .pe. kāyāyatanaṃ vipāko kāyāyatanaṃ na sukhavedaniyaṃ .pe. anārammaṇaṃ natthi tassa āvajjanā .pe. Paṇidhīti . āmantā . phasso vipāko phasso na sukhavedaniyo .pe. anārammaṇo natthi tassa āvajjanā .pe. paṇidhīti . Na hevaṃ vattabbe .pe.

[1491] Na vattabbaṃ saḷāyatanaṃ vipākoti . āmantā . nanu saḷāyatanaṃ kammassa katattā uppannanti . āmantā . hañci saḷāyatanaṃ kammassa katattā uppannaṃ tena vata re vattabbe saḷāyatanaṃ vipākoti. Saḷāyatanakathā ---------