[130] Kalyāṇapāpakāni kammāni upalabbhantīti . Kalyāṇapāpakānaṃ kammānaṃ kattā kāretā upalabbhatīti . āmantā . Tejo upalabbhatīti . tejassa kattā kāretā upalabbhatīti . na hevaṃ vattabbe .pe.

[131] Kalyāṇapāpakāni kammāni upalabbhantīti . Kalyāṇapāpakānaṃ kammānaṃ kattā kāretā upalabbhatīti . āmantā . Vāyo upalabbhatīti . vāyassa kattā kāretā upalabbhatīti . na hevaṃ vattabbe .pe.

[132] Kalyāṇapāpakāni kammāni upalabbhantīti . Kalyāṇapāpakānaṃ kammānaṃ kattā kāretā upalabbhatīti . āmantā . Tiṇakaṭṭhavanappatayo upalabbhantīti . tiṇakaṭṭhavanappatīnaṃ kattā Kāretā upalabbhatīti. Na hevaṃ vattabbe .pe.

[133] Kalyāṇapāpakāni kammāni upalabbhantīti . Kalyāṇapāpakānaṃ kammānaṃ kattā kāretā upalabbhatīti . āmantā . Aññāni kalyāṇapāpakāni kammāni añño kalyāṇapāpakānaṃ kammānaṃ kattā kāretāti. Na hevaṃ vattabbe .pe.