[1745] Buddhassa bhagavato uccārapassāvo ativiya aññe gandhajāte adhiggaṇhātīti . āmantā . bhagavā gandhabhojīti . Na hevaṃ vattabbe .pe. nanu bhagavā odanakummāsaṃ bhuñjatīti . Āmantā . hañci bhagavā odanakummāsaṃ bhuñjati no vata re vattabbe buddhassa bhagavato uccārapassāvo ativiya aññe gandhajāte adhiggaṇhātīti.

[1746] Buddhassa bhagavato uccārapassāvo ativiya aññe gandhajāte adhiggaṇhātīti . āmantā . atthi keci buddhassa bhagavato uccārapassāvaṃ nhāyanti vilipanti ucchādenti peḷāya paṭisāmenti karaṇḍāya nikkhipanti āpaṇe pasārenti tena ca gandhena gandhakaraṇīyaṃ karontīti. Na hevaṃ vattabbe .pe. Gandhajātikathā. -----------