[1855] Atthi kiñci saññojanaṃ appahāya parinibbānanti . Āmantā . atthi kiñci sakkāyadiṭṭhiṃ appahāya .pe. anottappaṃ appahāya parinibbānanti. Na hevaṃ vattabbe .pe.

[1856] Atthi kiñci saññojanaṃ appahāya parinibbānanti . Āmantā . arahā sarāgo .pe. sakilesoti . na hevaṃ vattabbe .pe. nanu arahā nīrāgo .pe. nikkilesoti . āmantā . Hañci arahā nīrāgo .pe. nikkileso no vata re vattabbe atthi kiñci saññojanaṃ appahāya parinibbānanti.

[1857] Na vattabbaṃ atthi kiñci saññojanaṃ appahāya parinibbānanti . āmantā . arahā sabbaṃ buddhavisayaṃ jānātīti . Na hevaṃ vattabbe .pe. tena hi atthi kiñci saññojanaṃ appahāya parinibbānanti. Parinibbānakathā. --------