[368] Yassa yattha ghānāyatanaṃ nuppajjittha tassa tattha dhammāyatanaṃ nuppajjitthāti: rūpāvacarānaṃ arūpāvacarānaṃ tesaṃ tattha ghānāyatanaṃ nuppajjittha no ca tesaṃ tattha dhammāyatanaṃ nuppajjittha suddhāvāsānaṃ tesaṃ tattha ghānāyatanañca nuppajjittha dhammāyatanañca nuppajjittha . Yassa vā pana yattha dhammāyatanaṃ nuppajjittha tassa tattha ghānāyatanaṃ nuppajjitthāti: āmantā.

[369] Yassa yattha rūpāyatanaṃ nuppajjittha tassa tattha manāyatanaṃ nuppajjitthāti: arūpānaṃ tesaṃ tattha rūpāyatanaṃ nuppajjittha no ca tesaṃ tattha manāyatanaṃ nuppajjittha suddhāvāsānaṃ tesaṃ tattha rūpāyatanañca nuppajjittha manāyatanañca nuppajjittha . yassa vā pana yattha manāyatanaṃ nuppajjittha tassa tattha rūpāyatanaṃ nuppajjitthāti: asaññasattānaṃ tesaṃ tattha manāyatanaṃ nuppajjittha no ca tesaṃ tattha rūpāyatanaṃ nuppajjittha suddhāvāsānaṃ tesaṃ tattha manāyatanañca nuppajjittha rūpāyatanañca nuppajjittha.

[370] Yassa yattha rūpāyatanaṃ nuppajjittha tassa tattha dhammāyatanaṃ nuppajjitthāti: arūpānaṃ tesaṃ tattha rūpāyatanaṃ nuppajjittha no ca tesaṃ tattha dhammāyatanaṃ nuppajjittha suddhāvāsānaṃ tesaṃ tattha rūpāyatanañca nuppajjittha dhammāyatanañca nuppajjittha. Yassa vā Pana yattha dhammāyatanaṃ nuppajjittha tassa tattha rūpāyatanaṃ nuppajjitthāti: āmantā.

[371] Yassa yattha manāyatanaṃ nuppajjittha tassa tattha dhammāyatanaṃ nuppajjitthāti: asaññasattānaṃ tesaṃ tattha manāyatanaṃ nuppajjittha no ca tesaṃ tattha dhammāyatanaṃ nuppajjittha suddhāvāsānaṃ tesaṃ tattha manāyatanañca nuppajjittha dhammāyatanañca nuppajjittha . yassa vā pana yattha dhammāyatanaṃ nuppajjittha tassa tattha manāyatanaṃ nuppajjitthāti: āmantā. ---------