[541] Yassa ghānāyatanaṃ na nirujjhati tassa dhammāyatanaṃ na nirujjhatīti: aghānakānaṃ cavantānaṃ tesaṃ ghānāyatanaṃ na nirujjhati no ca tesaṃ dhammāyatanaṃ na nirujjhati sabbesaṃ upapajjantānaṃ tesaṃ ghānāyatanañca na nirujjhati dhammāyatanañca na nirujjhati . yassa vā pana dhammāyatanaṃ na nirujjhati tassa ghānāyatanaṃ na nirujjhatīti: āmantā.

[542] Yassa rūpāyatanaṃ na nirujjhati tassa manāyatanaṃ na nirujjhatīti: arūpakānaṃ cavantānaṃ tesaṃ rūpāyatanaṃ na nirujjhati no ca tesaṃ manāyatanaṃ na nirujjhati sabbesaṃ upapajjantānaṃ tesaṃ rūpāyatanañca na nirujjhati manāyatanañca na nirujjhati . yassa vā pana manāyatanaṃ na nirujjhati tassa rūpāyatanaṃ na nirujjhatīti: acittakānaṃ cavantānaṃ tesaṃ manāyatanaṃ na nirujjhati no ca tesaṃ rūpāyatanaṃ na nirujjhati sabbesaṃ upapajjantānaṃ tesaṃ manāyatanañca na nirujjhati rūpāyatanañca na nirujjhati.

[543] Yassa rūpāyatanaṃ na nirujjhati tassa dhammāyatanaṃ na nirujjhatīti: arūpakānaṃ cavantānaṃ tesaṃ rūpāyatanaṃ na nirujjhati no ca tesaṃ dhammāyatanaṃ Na nirujjhati sabbesaṃ upapajjantānaṃ tesaṃ rūpāyatanañca na nirujjhati dhammāyatanañca na nirujjhati . yassa vā pana dhammāyatanaṃ na nirujjhati tassa rūpāyatanaṃ na nirujjhatīti: āmantā.

[544] Yassa manāyatanaṃ na nirujjhati tassa dhammāyatanaṃ na nirujjhatīti: acittakānaṃ tesaṃ cavantānaṃ manāyatanaṃ na nirujjhati no ca tesaṃ dhammāyatanaṃ na nirujjhati sabbesaṃ upapajjantānaṃ tesaṃ manāyatanañca na nirujjhati dhammāyatanañca na nirujjhati . yassa vā pana dhammāyatanaṃ na nirujjhati tassa manāyatanaṃ na nirujjhatīti: āmantā.