[549] Yassa cakkhāyatanaṃ nirujjhissati tassa ghānāyatanaṃ nirujjhissatīti: Pacchimabhavikānaṃ rūpāvacaraṃ upapajjantānaṃ ca ye rūpāvacaraṃ upapajjitvā parinibbāyissanti tesaṃ cavantānaṃ tesaṃ cakkhāyatanaṃ nirujjhissati no ca tesaṃ ghānāyatanaṃ nirujjhissati itaresaṃ tesaṃ cakkhāyatanañca nirujjhissati ghānāyatanañca nirujjhissati . yassa vā pana ghānāyatanaṃ nirujjhissati tassa cakkhāyatanaṃ nirujjhissatīti: āmantā.

[550] Yassa cakkhāyatanaṃ nirujjhissati tassa rūpāyatanaṃ nirujjhissatīti: āmantā . yassa vā pana rūpāyatanaṃ nirujjhissati tassa cakkhāyatanaṃ nirujjhissatīti: āmantā.

[551] Yassa cakkhāyatanaṃ nirujjhissati tassa manāyatanaṃ .pe. Dhammāyatanaṃ nirujjhissatīti: āmantā . yassa vā pana dhammāyatanaṃ nirujjhissati tassa cakkhāyatanaṃ nirujjhissatīti: pacchimabhavikānaṃ arūpaṃ upapajjantānaṃ ye ca arūpaṃ upapajjitvā parinibbāyissanti tesaṃ cavantānaṃ tesaṃ dhammāyatanaṃ nirujjhissati no ca tesaṃ cakkhāyatanaṃ nirujjhissati itaresaṃ tesaṃ dhammāyatanañca nirujjhissati cakkhāyatanañca nirujjhissati.

[552] Yassa ghānāyatanaṃ nirujjhissati tassa rūpāyatanaṃ nirujjhissatīti: āmantā . yassa vā pana rūpāyatanaṃ nirujjhissati tassa ghānāyatanaṃ nirujjhissatīti: pacchimabhavikānaṃ rūpāvacaraṃ upapajjantānaṃ ye ca rūpāvacaraṃ upapajjitvā parinibbāyissanti tesaṃ cavantānaṃ tesaṃ rūpāyatanaṃ nirujjhissati no ca tesaṃ ghānāyatanaṃ nirujjhissati itaresaṃ Tesaṃ rūpāyatanañca nirujjhissati ghānāyatanañca nirujjhissati.