[553] Yassa ghānāyatanaṃ nirujjhissati tassa manāyatanaṃ .pe. Dhammāyatanaṃ nirujjhissatīti: āmantā . yassa vā pana dhammāyatanaṃ nirujjhissati tassa ghānāyatanaṃ nirujjhissatīti: pacchimabhavikānaṃ rūpāvacaraṃ arūpāvacaraṃ upapajjantānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ dhammāyatanaṃ nirujjhissati no ca tesaṃ ghānāyatanaṃ nirujjhissati itaresaṃ tesaṃ dhammāyatanañca nirujjhissati ghānāyatanañca nirujjhissati.

[554] Yassa rūpāyatanaṃ nirujjhissati tassa manāyatanaṃ .pe. Dhammāyatanaṃ nirujjhissatīti: āmantā . yassa vā pana dhammāyatanaṃ nirujjhissati tassa rūpāyatanaṃ nirujjhissatīti: pacchimabhavikānaṃ arūpaṃ upapajjantānaṃ ye ca arūpaṃ upapajjitvā parinibbāyissanti tesaṃ cavantānaṃ tesaṃ dhammāyatanaṃ nirujjhissati no ca tesaṃ rūpāyatanaṃ nirujjhissati itaresaṃ tesaṃ dhammāyatanañca nirujjhissati rūpāyatanañca nirujjhissati.

[555] Yassa manāyatanaṃ nirujjhissati tassa dhammāyatanaṃ nirujjhissatīti: āmantā . yassa vā pana dhammāyatanaṃ nirujjhissati tassa manāyatanaṃ nirujjhissatīti: āmantā.

[556] Yattha cakkhāyatanaṃ nirujjhissati .pe.