[654] Yassa cakkhāyatanaṃ nirujjhittha tassa ghānāyatanaṃ nirujjhissatīti: kāmāvacare parinibbantānaṃ rūpāvacare arūpāvacare pacchimabhavikānaṃ ye ca rūpāvacaraṃ arūpāvacaraṃ upapajjitvā parinibbāyissanti tesaṃ cavantānaṃ tesaṃ cakkhāyatanaṃ nirujjhittha no ca tesaṃ ghānāyatanaṃ nirujjhissati itaresaṃ tesaṃ cakkhāyatanañca nirujjhittha ghānāyatanañca nirujjhissati. Yassa vā pana ghānāyatanaṃ .pe. Āmantā.

[655] Yassa cakkhāyatanaṃ nirujjhittha tassa rūpāyatanaṃ nirujjhissatīti: pañcavokāre parinibbantānaṃ arūpe pacchimabhavikānaṃ ye ca arūpaṃ upapajjitvā parinibbāyissanti tesaṃ cavantānaṃ tesaṃ cakkhāyatanaṃ nirujjhittha no ca tesaṃ rūpāyatanaṃ nirujjhissati itaresaṃ tesaṃ cakkhāyatanaṃ nirujjhittha rūpāyatanañca nirujjhissati . yassa vā pana rūpāyatanaṃ .pe. Āmantā.

[656] Yassa cakkhāyatanaṃ nirujjhittha tassa manāyatanaṃ .pe. Dhammāyatanaṃ nirujjhissatīti: parinibbantānaṃ tesaṃ cakkhāyatanaṃ nirujjhittha No ca tesaṃ dhammāyatanaṃ nirujjhissati itaresaṃ tesaṃ cakkhāyatanañca nirujjhittha dhammāyatanañca nirujjhissati . yassa vā pana dhammāyatanaṃ .pe. Āmantā.

[657] Yassa ghānāyatanaṃ nirujjhittha tassa rūpāyatanaṃ nirujjhissatīti: pañcavokāre parinibbantānaṃ arūpe pacchimabhavikānaṃ ye ca arūpaṃ upapajjitvā parinibbāyissanti tesaṃ cavantānaṃ tesaṃ ghānāyatanaṃ nirujjhittha no ca tesaṃ rūpāyatanaṃ nirujjhissati itaresaṃ tesaṃ ghānāyatanañca nirujjhittha rūpāyatanañca nirujjhissati . yassa vā pana rūpāyatanaṃ .pe. Āmantā.