[703] Yassa manāyatanaṃ nuppajjati tassa dhammāyatanaṃ na nirujjhatīti: sabbesaṃ cavantānaṃ tesaṃ manāyatanaṃ nuppajjati no ca tesaṃ dhammāyatanaṃ na nirujjhati acittakānaṃ upapajjantānaṃ tesaṃ manāyatanañca nuppajjati dhammāyatanañca na nirujjhati . yassa vā pana dhammāyatanaṃ na nirujjhati tassa manāyatanaṃ nuppajjatīti: sacittakānaṃ upapajjantānaṃ tesaṃ dhammāyatanaṃ na nirujjhati no ca tesaṃ manāyatanaṃ nuppajjati acittakānaṃ upapajjantānaṃ tesaṃ dhammāyatanañca na nirujjhati manāyatanañca nuppajjati.

[704] Yattha cakkhāyatanaṃ nuppajjati .pe.

[705] Yassa tattha cakkhāyatanaṃ nuppajjati .pe. Yassakampi yassayatthakampi sadisaṃ. --------

[706] Yassa cakkhāyatanaṃ uppajjittha tassa sotāyatanaṃ nirujjhitthāti: āmantā . yassa vā pana sotāyatanaṃ nirujjhittha tassa cakkhāyatanaṃ uppajjitthāti: āmantā . (atītā pucchā Uppādepi nirodhepi uppādanirodhepi anulomampi paccaniyampi sadisaṃ). ---------