[853] Yassa yattha dukkhasaccaṃ uppajjittha tassa tattha samudayasaccaṃ uppajjitthāti: suddhāvāsānaṃ dutiye citte vattamāne asaññasattānaṃ tesaṃ tattha dukkhasaccaṃ uppajjittha no ca tesaṃ tattha samudayasaccaṃ uppajjittha itaresaṃ catuvokārānaṃ pañcavokārānaṃ tesaṃ tattha dukkhasaccañca uppajjittha samudayasaccañca uppajjittha . yassa vā pana yattha samudayasaccaṃ .pe. Āmantā.

[854] Yassa yattha dukkhasaccaṃ uppajjittha tassa tattha maggasaccaṃ uppajjitthāti: suddhāvāsānaṃ dutiye citte vattamāne anabhisametāvīnaṃ asaññasattānaṃ tesaṃ tattha dukkhasaccaṃ uppajjittha no ca tesaṃ tattha maggasaccaṃ uppajjittha abhisametāvīnaṃ tesaṃ tattha dukkhasaccañca uppajjittha maggasaccañca uppajjittha . yassa vā pana yattha maggasaccaṃ .pe. Āmantā.

[855] Yassa yattha samudayasaccaṃ uppajjittha tassa tattha maggasaccaṃ uppajjitthāti: suddhāvāsānaṃ dutiye akusale citte vattamāne anabhisametāvīnaṃ tesaṃ tattha samudayasaccaṃ uppajjittha no ca tesaṃ tattha maggasaccaṃ uppajjittha abhisametāvīnaṃ tesaṃ tattha samudayasaccañca uppajjittha maggasaccañca uppajjittha . yassa vā pana yattha maggasaccaṃ .pe. Āmantā.

[856] Yassa dukkhasaccaṃ nuppajjittha tassa samudayasaccaṃ nuppajjitthāti: natthi. Yassa vā pana samudayasaccaṃ .pe. Natthi.